Ku Abah Yusuf Bachtiar (Sesepuh Kabuyutan Gegerkalong Bandung & Sesepuh Budaya Sunda)
Dina ritus atanapi ritual Adat Budaya Sunda (Nusantara) , sok disayogikeun pangradinan tur sasajen (sasaji). Dina pangradinan sok dilengkepan ku Parukuyan.Parukuyan, tiasa tina taneuh liat (Gerabah) atanapi tna bokor kuningan. Parukuyan dilebetan keusik laut (keusik lemes), Areng pikeun Ruhak. Menyan bodas, hideung pikeun ngukus.
Pangradinan, lengkepna:
Kendi dieusi cai, pikeun ngasupkeun tangkal hanjuang hejo.
Tilu cecempeh, nyiru leutik. Masing-masing cecempeh aya eusi. Amparan kahiji daun Cau Manggala, kadua seureuh 8 lambar.
Cecempeh kahiji, dilengkepan Kalapa Hejo tos dipapas, teras dilurna gula berem sagandu.
Cecempeh kadua, kembang Ros berem 3, Ros Bidas 2, Kembang Malati sacekapna, Kembang Kantil sacekapna,Daun pandan kenging ngiris sacekapna.
Cecempeh katilu, aya beas samngkok alit tur endog hayam kampung hiji; Aya seupaheun : Seureuh sagepok; gambir, Kapur sirih, irisan jambe; Aya kaca Eunteung , sisir, minyak seungit.
Sabaki alit leuteun ku geulas aralit (cangkir alit), geulas kahiji, cai kopi pait, kadua cai teh pait, katilu cai kopi amis, kaopat cai teh amis, kalima rujak cau emas campur kinca gula berem, kageneup rujak kalapa tos diiris campur kinca , katujuh Rujak Salasih jeun jamur teh, kadalapan rujak sampeu (roti) campur kinca, kasalapan gula batu sacekapna.
Sasajen (Sasaji):
Baskom kahiji bubuahan tujuh rupa; baskom kadua: Leupeutpolos dua gepok , leupeut Campur kacang berem (rembeuy kacang), Tangtang angin , kupat keupeul.
Baskom katilu, congcot buhun.
Kalapa samanggar (3; 5; 7)
Dina ritual sok aya sato nu dipeuncit , gumantung jenis ritualna. Ruwatan bumi tur seren taun sok mencit Kebo atanapi embe, domba. Ritual ngarawatan huluwotan, irung2 cai sok aya mencit Embe tur kotok (gumantung hasil sawala warga Adat). Ritual ..ritual eta gumantung daerah sewang2.
Jadi Parukuyan kalengkepan tina acara ritual. Sadaya kagiatan ritual sok dipirig ku Seni buhun. Ketuk tilu, Angklung buncis, Kacapi Suling, Wayangan , Silat..jse.
Sadaya paripolah diluhut, ngandung hartos, mangrupa Siloka tur silib , kalenkepan eta nya bacaaeun. Pikeun nu hereut pikir, kurang pangarti, nya sok gampil ngahukuman, pajar teh musyrik, mubadzir, jse.
Siloka tur silibna urang guar deui…dina seratan salajengna…
Cag!@Abah Yusuf//Doct//Kabuyutan
Komentar